Braziliya prezidenti Dilma Russeffga nisbatan impichment qo‘llashni yoqlab mamlakat milliy kongressi quyi palatasining 342 deputati ovoz berdi, bu parlament a’zolari umumiy sonining uchdan ikki qismi demakdir. Bu haqda “Gazeta.ru” xabar bermoqda.
Shu tariqa, parlament quyi palatasining deputatlari Dilma Russeffni Braziliya prezidenti lavozimidan chetlatish tashabbusini qabul qildi. Biroq yakuniy qaror yuqori palata senatorlari tomonidan qabul qilinadi.
Eslatib o‘tamiz, Braziliya parlamenti 17-mart, payshanba kuni prezident Dilma Russeffga nisbatan impichment masalasini ko‘rib chiquvchi maxsus komissiyani tuzgan, sud esa o‘sha kunning o‘zida Russeffning sobiq davlat rahbari Lulu da Silvani prezident ma’muriyati rahbari etib tayinlash haqidagi qaroriga taqiq qo‘ygan edi.
Izoh (0)