Xitoylik millioner Yao Nanshan oddiy fermer ayol Lyu Litszyanga muhabbati sabab boyligidan voz kechdi. Bu haqda “Gazeta.ru” xabar bermoqda.

2015-yil oktabriga qadar Nanshan Ispaniyada yashardi. Biroq 57 yoshli millioner Yevropadagi mol-mulkidan voz kechib, Xitoyning Chjetszyan provinsiyasidagi qishloqlardan biriga ko‘chib o‘tish va qolgan umrini “chin sevgisi” bilan o‘tkazishga qaror qildi.

Juftlik 2013-yili uchrashgandi. Litszyan beva bo‘lib, uning qizi kam uchraydigan qon kasaliga duchor bo‘lgandi. Millioner unga sevgi izhor etganda ayol muammolari bilan unga yuk bo‘lmaslik uchun buni rad etdi. Nanshan esa o‘z bilganidan qolmadi va Ispaniyaga qaytib, biznesi va aktivlarini farzandlariga qoldirib, Chjetszyanga keldi.

Juftlik yangi yil arafasida nikohdan o‘tdi. Ayni paytda er-xotin kichik mehmonxonani boshqarmoqda.