Suriyada 13-aprel kuni bo‘lib o‘tgan parlament saylovlarida tarkibiga hukmron “Baas” partiyasi kiruvchi “Milliy birlik” koalitsiyasi g‘olib bo‘ldi, deya xabar bermoqda Meduza.
“Baas” va uning ittifoqdosh partiyalari parlamentda 250 o‘rindan 200 tasiga ega bo‘ldi. Koalitsiyadan 200 nomzodning barchasi Milliy saylov komissiyasi tomonidan e’lon qilingan g‘olib deputatlar ro‘yxatida bo‘lgan.
Saylov komissiyasi rahbari so‘zlariga ko‘ra, saylovlarda saylovchilarning 57,5 foizi, ya’ni besh milliondan ziyod kishi qatnashgan.
Suriyadagi vaziyatni tinch yo‘l bilan hal qilish bo‘yicha muzokaralarni tashkil qilayotgan BMT saylov natijalarini tan olishdan bosh tortdi. Muxolifat vakillari saylovlarni “rejim o‘zini qonuniylashtirish uchun vosita sifatida foydalanayotgan teatr” deb atadi.
Izoh (0)