Efiopiyaning Janubiy Sudan bilan chegarasi yaqinidagi Gambela shahri hududida salkam 140 kishi qurolli hujum qurboni bo‘ldi. Bu haqda, AFP manbalariga tayanib, “TASS” xabar bermoqda.
“Sudanning murle xalqiga mansub kimsalar Gambela shahri hududida qurolli hujum uyushtirdi va buning oqibatida salkam 140 kishi halok bo‘ldi. Qurolli kuchlarimiz hujum qilganlarni ta’qib etdi va ularning aksariyati yo‘q qilindi”, — deb ta’kidladi mamlakat tashqi ishlar vazirligi matbuot kotibi Tevolde Mulutega.
TIV vakilining bildirishicha, Efiopiyaning Janubiy Sudan bilan chegaradosh hududlariga talonchilik hujumlari tez-tez sodir bo‘lib turadi, biroq bunday ko‘lamdagi tajovuz shu paytgacha kuzatilmagandi.
Izoh (0)