Bundesliga. Liverpuldagi mag‘lubiyatdan keyin “Borussiya Dortmund” yirik g‘alabaga erishdi

Futbol bo‘yicha Germaniya Bundesligasining 30-turida “Borussiya Dortmund” yirik g‘alabaga erishdi. Yevropa Ligasi yarim final yo‘llanmasini Liverpulda boy bergan klub, “Gamburg” darvozasini uch bor ishg‘ol qildi.

Mazkur bellashuvda Genrix Mxitaryan, Marko Roys kabi futbolchilar maydonga tushmadi. Pyer-Emerik Obameyang esa uchrashuvga zaxiradan qo‘shildi.

Bu g‘alabadan keyin Dortmund klubining ochkolari 71 taga yetdi. Mavsum yakuniga 4 ta tur qolganida “Bavariya” 78 ochkoga ega. Kelasi turni “Bavariya” Chempionlar Ligasi yo‘llanmasini qo‘lga kiritishga yaqin turgan “Gerta” maydonida o‘tkazsa, “Borussiya Dortmund” Shtutgartga tashrif buyuradi.

• Bundesliga, 30-tur. “Bavariya” markaziy bellashuvda “Shalke”ni yirik hisobda yutdi

17-aprel sanasidan joy olgan yana bitta o‘yinda “Kyoln” irodali g‘alabaga erishdi. Chempionlar Ligasi yo‘llanmasi uchun kurash olib borayotgan “Maynts” maydoniga tashrif buyurgan jamoa, 2 ta gol farqi bilan ortda qolishiga qaramay, yakunda 3 ta gol urishga erishdi.

“Maynts” 30-turdan keyin 6-o‘rinda qayd etilgan. “Kyoln” esa 37 ochko bilan 10-pog‘onaga ko‘tarildi.

Germaniya Bundesligasi 30-tur bellashuvi 17-aprel, yakshanba

“Borussiya Dortmund” — “Gamburg” 3:0

Gollar: Kristian Pulishich, 38 (1:0). Adrian Ramos, 44 (2:0). Adrian Ramos, 86 (3:0).Chetlatish: Rene Adler, 52 (G).“Borussiya Dortmund”: Roman Byurki, Mattias Ginter (Marsel Shmeltser, 75), Mats Xummels, Gonsalo Kastro (Pyer-Emerik Obameyang, 75), Nuri Shaxin, Sven Bender, Feliks Passlak, Ilkay Gyundogan (Morits Lyaytner, 65), Sindzi Kagava, Kristian Pulishich, Adrian Ramos.

“Maynts” — “Kyoln” 2:3

Gol: Jon Kordoba, 8 (1:0). Leon Balogun, 49 (2:0). Marsel Risse, 64 (2:1). Milosh Yoyich, 74 (2:2). Antoni Modest, 82 (2:3).

• Bundesliga, 30-tur. “Bayer” turnir jadvalida 3-o‘ringa ko‘tarilib oldi