Бундеслига. Ливерпулдаги мағлубиятдан кейин «Боруссия Дортмунд» йирик ғалабага эришди

Футбол бўйича Германия Бундеслигасининг 30-турида «Боруссия Дортмунд» йирик ғалабага эришди. Европа Лигаси ярим финал йўлланмасини Ливерпулда бой берган клуб, «Гамбург» дарвозасини уч бор ишғол қилди.

Мазкур беллашувда Генрих Мхитарян, Марко Ройс каби футболчилар майдонга тушмади. Пьер-Эмерик Обамеянг эса учрашувга захирадан қўшилди.

Бу ғалабадан кейин Дортмунд клубининг очколари 71 тага етди. Мавсум якунига 4 та тур қолганида «Бавария» 78 очкога эга. Келаси турни «Бавария» Чемпионлар Лигаси йўлланмасини қўлга киритишга яқин турган «Герта» майдонида ўтказса, «Боруссия Дортмунд» Штутгартга ташриф буюради.

• Бундеслига, 30-тур. «Бавария» марказий беллашувда «Шальке»ни йирик ҳисобда ютди

17 апрель санасидан жой олган яна битта ўйинда «Кёльн» иродали ғалабага эришди. Чемпионлар Лигаси йўлланмаси учун кураш олиб бораётган «Майнц» майдонига ташриф буюрган жамоа, 2 та гол фарқи билан ортда қолишига қарамай, якунда 3 та гол уришга эришди.

«Майнц» 30-турдан кейин 6-ўринда қайд этилган. «Кёльн» эса 37 очко билан 10-поғонага кўтарилди.

Германия Бундеслигаси 30-тур беллашуви 17 апрель, якшанба

«Боруссия Дортмунд» — «Гамбург» 3:0

Голлар: Кристиан Пулишич, 38 (1:0). Адриан Рамос, 44 (2:0). Адриан Рамос, 86 (3:0).Четлатиш: Рене Адлер, 52 (Г).«Боруссия Дортмунд»: Роман Бюрки, Маттиас Гинтер (Марсель Шмельцер, 75), Матс Хуммелс, Гонсало Кастро (Пьер-Эмерик Обамеянг, 75), Нури Шахин, Свен Бендер, Феликс Пасслак, Илкай Гюндоган (Мориц Ляйтнер, 65), Синдзи Кагава, Кристиан Пулишич, Адриан Рамос.

«Майнц» — «Кёльн» 2:3

Гол: Жон Кордоба, 8 (1:0). Леон Балогун, 49 (2:0). Марсель Риссе, 64 (2:1). Милош Йойич, 74 (2:2). Антони Модест, 82 (2:3).

• Бундеслига, 30-тур. «Байер» турнир жадвалида 3-ўринга кўтарилиб олди