Hindistonning markaziy qismidagi Chxattisgarx shtatida yuz bergan yo‘l-transport hodisasi oqibatida kamida 11 kishi halok bo‘ldi, 30 kishi jabrlandi. Bu haqda, “Sinxua” agentligi ma’lumotiga tayanib, “TASS” xabar berdi.
Ma’lum qilinishicha, kuzovida 45 kishi bo‘lgan kichikroq yuk mashinasi shosseda ag‘darilib ketdi.
YTHga uchragan transport vositasi Bxanupratappurga yo‘l olgan, u yerdagi to‘yga mehmonlarni olib borayotgan edi.
Jabrlanganlar Antagar, Kanker va Raypur shaharlarining shifoxonalariga joylashtirildi.