Butunjahon boks kengashi (WBC) versiyasi bo‘yicha jahon chempioni, amerikalik Deontey Uaylder rossiyalik Aleksandr Povetkin bilan jang qilish uchun shartnomaga imzo chekdi, deb xabar beradi “TASS”.
“Uaylder bugun kechasi shartnomaga imzo chekdi. Endi jang albatta bo‘ladi!”, – deb yozadi “Mir boksa” kompaniyasi rahbari, Povetkinning vakili Andrey Ryabinskiy Twitter’dagi sahifasida.
WBC chempionligi uchun Povetkin — Uaylder jangi 2016-yilning 21-may kuni Moskva shahridagi “Megasport” sport majmuasida o‘tkaziladi.
Ma’lumot uchun, Deontey Uaylder professional boksda 36 ta jang o‘tkazib, barchasida (35 tasida nokaut bilan) g‘alaba qozongan. Aleksandr Povetkin o‘tkazilgan 30 ta jangdan 29 tasida (22 tasida nokaut bilan) zafar quchib, faqatgina bittasida mag‘lubiyatga uchragan.
Izoh (0)