Бутунжаҳон бокс кенгаши (WBC) версияси бўйича жаҳон чемпиони, америкалик Деонтей Уайлдер россиялик Александр Поветкин билан жанг қилиш учун шартномага имзо чекди, деб хабар беради «ТАСС».
«Уайлдер бугун кечаси шартномага имзо чекди. Энди жанг албатта бўлади!», – деб ёзади «Мир бокса» компанияси раҳбари, Поветкиннинг вакили Андрей Рябинский Twitter’даги саҳифасида.
WBC чемпионлиги учун Поветкин — Уайлдер жанги 2016 йилнинг 21 май куни Москва шаҳридаги «Мегаспорт» спорт мажмуасида ўтказилади.
Маълумот учун, Деонтей Уайлдер профессионал боксда 36 та жанг ўтказиб, барчасида (35 тасида нокаут билан) ғалаба қозонган. Александр Поветкин ўтказилган 30 та жангдан 29 тасида (22 тасида нокаут билан) зафар қучиб, фақатгина биттасида мағлубиятга учраган.
Изоҳ (0)