O‘zbekistonda “Yulduzcha” bolalar vokal teletanlovi ishga tushirilmoqda. Loyiha saytida xabar berilishicha, tanlov “Kamolot” yoshlar ijtimoiy harakati, Yoshlar tashabbuslari markazi, O‘zMTRK, Madaniyat va sport ishlari vazirligi, “O‘zbeknavo” estrada birlashmasi hamda Oliy va o‘rta maxsus ta’lim vazirligi hamkorligida tashkil etilmoqda.
Tanlovdan ko‘zlangan maqsad ishtirokchilarning mumtoz, milliy, folklor va estrada musiqasi yo‘nalishlaridagi vokal ijro mahoratini oshirish, yosh vokalchilarni qo‘llab-quvvatlash, iqtidorli bolalarni izlab topish, ijodkor yoshlar bilan ishlashning tashkiliy jihatlarini takomillashtirishdir.
Tanlov uchta — an’anaviy qo‘shiqchilik, akademik qo‘shiqchilik va estrada qo‘shiqchiligi yo‘nalishida o‘tkaziladi. Unda 6 yoshdan 14 yoshgacha bo‘lgan bolalar ishtirok etishi mumkin. Tanlovning final bosqichida milliy estrada yulduzlari ishtiroki ko‘zda tutilgan.
Teletanlovda ishtirok etish uchun arizani uning saytida topshirish mumkin.
Izoh (0)