Fransiyalik kinorejissor Lyuk Besson Rossiyaning “Kursk” atom suvosti kemasi haqida film olishni rejalashtirmoqda. Bu haqda Rossiya mudofaa vazirligi madaniyat boshqarmasi boshlig‘i Anton Gubankov ma’lum qildi, deya xabar beradi “TASS”.
“Bizga ‘Kursk’ haqida film olayotgan Lyuk Besson murojaat etdi. Rossiyaga yaqinda syomkalarga joylarni ko‘zdan kechirish uchun fransuzlarning katta delegatsiyasi keladi. Film ustida birga ishlaymiz, bu biz uchun muhim”, — deya ta’kidlagan Gubankov.
Ma’lumot uchun, “Kursk” atomoxodi 2000-yil 12-avgustda, Rossiya Shimoliy flotining Barens dengizidagi mashg‘ulotlari chog‘ida 108 metr chuqurlikda cho‘kib ketgan. Ekipajning barcha a’zosi (jami 118 kishi) halok bo‘lgan.
Izoh (0)