Kanada Qurolli kuchlari Arktikada navbatdagi harbiy mashg‘ulotlarni boshladi. Bu haqda 1- aprel, juma kuni mamlakat mudofaa vazirligi ma’lum qildi, deya xabar beradi “TASS”.
Operation NUNALIVUT degan kodli nom olgan mashqlar Kanadaning shimoliy Nunavut hududida 22-aprelga qadar bo‘lib o‘tadi. Ularda harbiy-havo, harbiy-dengiz va armiya bo‘linmalari vakillari ishtirok etmoqda. Mashg‘ulotlarda muzostiga sho‘ng‘ish, patrul xizmati o‘tash, qutqaruv amaliyotlari va Arktikaning og‘ir sharoitida kun kechirish ko‘nikmalari sinovdan o‘tkaziladi.
Kanadalik harbiylar fevral va martda ham Arktikada mashg‘ulotlar o‘tkazgan, ularda jami 3 mingga yaqin kishi, jumladan, AQSh, Yangi Zelandiya va Polsha vakillari qatnashgandi.
Izoh (0)