Канада Қуролли кучлари Арктикада навбатдаги ҳарбий машғулотларни бошлади. Бу ҳақда 1- апрель, жума куни мамлакат мудофаа вазирлиги маълум қилди, дея хабар беради «ТАСС».
Operation NUNALIVUT деган кодли ном олган машқлар Канаданинг шимолий Нунавут ҳудудида 22 апрелга қадар бўлиб ўтади. Уларда ҳарбий-ҳаво, ҳарбий-денгиз ва армия бўлинмалари вакиллари иштирок этмоқда. Машғулотларда музостига шўнғиш, патруль хизмати ўташ, қутқарув амалиётлари ва Арктиканинг оғир шароитида кун кечириш кўникмалари синовдан ўтказилади.
Канадалик ҳарбийлар февраль ва мартда ҳам Арктикада машғулотлар ўтказган, уларда жами 3 мингга яқин киши, жумладан, АҚШ, Янги Зеландия ва Польша вакиллари қатнашганди.
Изоҳ (0)