Futbol bo‘yicha O‘zbekiston va Bahrayn milliy terma jamoalari o‘rtasidagi JCh—2018 va Osiyo Kubogi—2019 saralash uchrashuvini O‘zMTRK “Sport” telekanali orqali sharhlovchi Dilshodbek To‘xtabekov va Toshkentning “Lokomotiv” futbol klubi yarim himoyachisi Temur Kapadze sharhlab boradi. Bu haqda “Championat.asia” xabar bermoqda.
“‘Sport’ teleradiokanali orqali translyatsiyada Dilshodbek To‘xtabekovga mashhur futbolchi Temur Kapadze sherik bo‘ladi. ‘Sport-TV’ xodimi professional sharhlovchi sifatida efirni olib borsa, Kapadze futbolchi sifatida o‘yinga baho beradi va fikrlari bilan o‘rtoqlashadi”, — deyiladi internet-nashr xabarida.
Eslatib o‘tamiz, O‘zbekiston — Bahrayn uchrashuvi 29-mart, seshanba kuni Toshkent vaqti bilan 18:00 da boshlanadi.
Izoh (0)