Davlat aloqa inspeksiyasida 18-mart mobil aloqa operator va kontent-provayderlar vakillari ishtirokida yig‘ilish o‘tkazildi. Bu haqda inspeksiya matbuot xizmati xabar bermoqda.
Xabar berishlaricha, yig‘ilish taqdim etilayotgan kontent xizmatlar sifati bo‘yicha abonentlar tomonidan murojaatlar soni, ya’ni, kontent-proyvaderlar tomonidan yuboriladigan SMS-xabarlarda ko‘ngilochar xizmatlarni ishga tushirish/o‘chirish va mazkur xabar jo‘natuvchisi to‘g‘risidagi ma’lumotlarni mavjud emasligi haqidagi mavhum SMS-jo‘natmalar to‘g‘risidagi shikoyatlar ko‘payib borayotganligi yuzasidan o‘tkazilgan.
Yig‘ilishda mobil aloqa operatorlar va kontent-provayderlarning ish faoliyatidagi ayrim muammo va kamchiliklar, xususan, abonentlarga mazkur yo‘nalishda sifatsiz xizmatlar ko‘rsatilishi hamda ushbu xizmatlarni ishga tushirish/o‘chirish to‘g‘risidagi ma’lumotlar berilmasligi, shuningdek, mijozlarga xizmat ko‘rsatish bo‘yicha ishlarga yetarli darajada e’tibor qaratilmasligi kabi masalalar muhokama qilindi.
Yig‘ilishda aytib o‘tilgan barcha kamchilik va takliflar inobatga olinib, mobil aloqa operatorlari va kontent-provayderlar tomonidan taqdim etilayotgan ko‘ngilochar xizmatlar ko‘rsatishdagi faoliyatlarini qonun va me’yoriy hujjatlar talablari asosida og‘ishmagan holda amalga oshirishlari to‘g‘risida qaror qabul qilindi.
Izoh (0)