Yaqinda O‘zbekiston bozorlarida Samsung kompaniyasining yangi smartfoni — ikkala yoni qayrilgan displeyga ega Galaxy S7 Edge sotila boshladi, deb yozadi “Mobinfo.uz”.
Smartfon 5,5 dyuymli 2560×1440 pikselli Super AMOLED-displey, sakkiz yadro Exynos 8890 yoki Snapdragon 820 (mintaqaga qarab), 4 Gb tezkor va 32 Gb ichki xotira, 3600 mA/soat sig‘imli akkumulyator, 12 megapikselli asosiy va 5 megapikselli old kameraga ega.
U Android 6.0 Marshmallow operatsion tizimida ishlaydi.
S7 Edge’dan bitta barmoq orqali foydalanish qulayroq bo‘lishi uchun, Samsung o‘z dasturiy qobig‘iga yon menyuni qo‘shdi, u barmoq ekran bo‘ylab yurgizilganida o‘ng tomonda paydo bo‘ladi.
Toshkentning “Fleshka” savdo majmuasida Galaxy S7 Edge 4,9 million so‘mga taklif qilinmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)