Давлат алоқа инспекциясида 18 март мобил алоқа оператор ва контент-провайдерлар вакиллари иштирокида йиғилиш ўтказилди. Бу ҳақда инспекция матбуот хизмати хабар бермоқда.
Хабар беришларича, йиғилиш тақдим этилаётган контент хизматлар сифати бўйича абонентлар томонидан мурожаатлар сони, яъни, контент-пройвадерлар томонидан юбориладиган SMS-хабарларда кўнгилочар хизматларни ишга тушириш/ўчириш ва мазкур хабар жўнатувчиси тўғрисидаги маълумотларни мавжуд эмаслиги ҳақидаги мавҳум SMS-жўнатмалар тўғрисидаги шикоятлар кўпайиб бораётганлиги юзасидан ўтказилган.
Йиғилишда мобил алоқа операторлар ва контент-провайдерларнинг иш фаолиятидаги айрим муаммо ва камчиликлар, хусусан, абонентларга мазкур йўналишда сифатсиз хизматлар кўрсатилиши ҳамда ушбу хизматларни ишга тушириш/ўчириш тўғрисидаги маълумотлар берилмаслиги, шунингдек, мижозларга хизмат кўрсатиш бўйича ишларга етарли даражада эътибор қаратилмаслиги каби масалалар муҳокама қилинди.
Йиғилишда айтиб ўтилган барча камчилик ва таклифлар инобатга олиниб, мобил алоқа операторлари ва контент-провайдерлар томонидан тақдим этилаётган кўнгилочар хизматлар кўрсатишдаги фаолиятларини қонун ва меъёрий ҳужжатлар талаблари асосида оғишмаган ҳолда амалга оширишлари тўғрисида қарор қабул қилинди.
Изоҳ (0)