Yozuvchi Hamroxon Musurmonova taniqli sport sharhlovchisi Axbor Imomxo‘jayevning 80 yoshli yubileyiga atab yozgan, uning hayot yo‘li va faoliyati hikoya qiluvchi “O‘zimizning Axbor aka” nomli kitob bosmadan chiqdi, deya xabar bermoqda “Championat.asia” nashri.
O‘zbekiston milliy paralimpiya qo‘mitasida 26-mart, shanba kuni yangi kitobning taqdimoti bo‘lib o‘tadi. Unda kitob muallifi Hamroxon Musurmonova, kitob qahramoni Axbor Imomxo‘jayev hamda uning yaqinlari, taniqli sport jurnalistlari ishtirok etishi ko‘zda tutilgan.
“Soat 11:00 da boshlanadigan taqdimot barcha uchun ochiq. Xohlovchilar yangi kitobni shu yerning o‘zidan xarid qilish imkoniyatiga ega bo‘ladi. Kitob narxi — 12 000 so‘m”, — deyiladi internet-nashr xabarida.
Ma’lumot uchun, “Futbol — quvonchim, dardim, faxrim”, “Maftuningman futbol”, “O‘zbegimning Mirjaloli” kabi kitoblari nashrdan chiqqan Axbor Imomxo‘jayev hozirgi vaqtda “Bir asrlik futboldagi qadrdonlarim haqida” nomli yangi kitob yozish ishlari bilan band.
Izoh (0)