Ёзувчи Ҳамрохон Мусурмонова таниқли спорт шарҳловчиси Ахбор Имомхўжаевнинг 80 ёшли юбилейига атаб ёзган, унинг ҳаёт йўли ва фаолияти ҳикоя қилувчи «Ўзимизнинг Ахбор ака» номли китоб босмадан чиқди, дея хабар бермоқда «Championat.asia» нашри.
Ўзбекистон миллий паралимпия қўмитасида 26 март, шанба куни янги китобнинг тақдимоти бўлиб ўтади. Унда китоб муаллифи Ҳамрохон Мусурмонова, китоб қаҳрамони Ахбор Имомхўжаев ҳамда унинг яқинлари, таниқли спорт журналистлари иштирок этиши кўзда тутилган.
«Соат 11:00 да бошланадиган тақдимот барча учун очиқ. Хоҳловчилар янги китобни шу ернинг ўзидан харид қилиш имкониятига эга бўлади. Китоб нархи — 12 000 сўм», — дейилади интернет-нашр хабарида.
Маълумот учун, «Футбол — қувончим, дардим, фахрим», «Мафтунингман футбол», «Ўзбегимнинг Миржалоли» каби китоблари нашрдан чиққан Ахбор Имомхўжаев ҳозирги вақтда «Бир асрлик футболдаги қадрдонларим ҳақида» номли янги китоб ёзиш ишлари билан банд.
Изоҳ (0)