Rossiya qurolli kuchlarining Suriyadagi guruhi qo‘mondoni, general Aleksandr Dvornikov mamlakat hududida Rossiyaning maxsus topshiriqli bo‘linmasi harakat qilayotganini ma’lum qildi. Bu haqda Meduza xabar bermoqda.
“Maxsus bo‘linma Rossiya aviatsiyasi zarba berishi ko‘zlangan obyektlar razvedkasi, samolyotni uzoq hududlardagi nishonlarga yo‘naltirish bilan shug‘ullanadi, boshqa maxsus vazifalarni bajaradi. Shuni ham unutmaslik kerakki, Suriyada AQSh, koalitsiyaning boshqa davlatlari maxsus bo‘linmalari ham turli vazifalarni amalga oshiradi”, — deya ta’kidlagan Dvornikov.
General Suriyada Rossiyada tug‘ilib-o‘sgan va terrorchilar safida jang qilgan ikki mingga yaqin jangari yo‘q qilingani, ulardan 17 nafari dala qo‘mondoni bo‘lganini ham bildirdi.
Izoh (0)