Mali rasmiylari mamlakat armiyasiga ko‘mak berayotgan Yevroittifoq missiyasi joylashgan Nord-Sud mehmonxonasiga uyushtirilgan hujumga aloqadorlikda gumon qilib, 19 kishini hibsga oldi. Bu haqda “RIA Novosti” xabar bermoqda.
“Qo‘lga olinganlarning 18 nafari Mali, bir nafari Togo fuqarosi. Politsiya jarohatlangan, biroq yashirinishga ulgurgan yana bir kishini qidirmoqda”, — deya ma’lum qilgan mamlakat politsiyasi rahbari Muso Infahiy.
Hozircha hech bir terrorchilik guruhi mazkur hujum uchun javobgarlikni zimmasiga olgani yo‘q
Eslatib o‘tamiz, 21-mart, dushanba kuni poytaxt Bamakodagi Nord-Sud mehmonxonasiga uyushtirilgan hujumni qaytarish chog‘ida bir nafar jangari o‘ldirilgan, ikki nafari qo‘lga olingandi.
Izoh (0)