Ukraina O‘zbekistonda ishlab chiqarilgan avtomobillar uchun maxsus bojni bekor qildi

Ukrainaning Xalqaro savdo bo‘yicha idoralararo komissiyasi O‘zbekistonda ishlab chiqarilgan avtotransport vositalari importiga nisbatan joriy etilgan maxsus bojni bekor qildi. Bu haqda 17-mart, payshanba kuni “Uryadoviy kuryer” (“Hukumat kuryeri”) gazetasi ma’lum qildi, deb yozadi “Gazeta.uz”.

Avtomobillarning (UTK TIF kodlari 8703 21 10 00, 8703 22 10 00 i 8703 23 19 10) bojxona qiymatidan 12,12 foiz miqdoridagi maxsus boj o‘tgan yilning 5-dekabridan joriy etilgan edi.

Nashr eslatishicha, fevralda O‘zbekiston Ukrainada ishlab chiqarilgan mahsulotlarga nisbatan 1-iyuldan kiritilgan qo‘shimcha import yig‘imini bekor qilgan edi.