AQSh mudofaa vazirligi mamlakat hududida harbiy operatsiyalar bilan bog‘liq bo‘lmagan maqsadlarda josuslik dronlari qo‘llanishiga oid hisobotni chop etdi. AQSh bosh inspektori mazkur hisobotni 2015-yil 20-martda tayyorlagan, biroq shu paytgacha hujjat e’lon qilinmagandi. Bu haqda Meduza xabar bermoqda.
Hisobotga ko‘ra, 2006—2015-yillar oralig‘ida AQShda uchuvchisiz havo qurilmalaridan ko‘pi bilan 20 marotaba foydalanilgan. Hujjatda dronlar ishtirok etgan operatsiyalarning tafsilotlari keltirilmagan bo‘lsa-da, Pentagon saytida joylashtirilgan ro‘yxatdan ma’lum bo‘lishicha, qurilmalar qidiruv-qutqaruv amaliyotlari, toshqinlar va yong‘inlar, shuningdek, Milliy gvardiya mashg‘ulotlarida qo‘llanilgan.
Vazirlik ularning ishlatilishi qonuniy bo‘lganini bildirmoqda. 2015-yilda AQSh mudofaa vazirligi dronlardan foydalanishning yangi qoidalarini ma’qulladi. Jumladan, uchuvchisiz qurilmalardan mamlakat havo hududida foydalanish uchun vazirlik rahbarining roziligi talab etiladi.
Izoh (0)