23–26-iyun kunlari Moskvada bo‘lib o‘tadigan World Dog Show 2016 xalqaro ko‘rgazmasi doirasida birinchi marta itlar bilan raqs tushish bo‘yicha jahon chempionati o‘tkaziladi. Bu haqda shahar meri va hukumati saytidagi xabarnomaga asoslanib, “Interfaks” xabar bermoqda.
Raqslarda turli davlatlardan, jumladan, Shvetsiya, Finlyandiya, Norvegiya, Yaponiyadan tashrif buyurgan itlar egalari bilan ishtirok etadi. 80 juftlikdan 20 tasi final yo‘llanmasini qo‘lga kiritadi.
Xalqaro tadbir “Krokus Ekspo” ko‘rgazma markazida o‘tkaziladi. Tashkilotchilar 35 mamlakatdan 300 zotdagi 25 ming itni qabul qilishga hozirlik ko‘rmoqda.
World Dog Show birinchi marta Rossiyada o‘tkaziladi. Oldin xalqaro tadbirni Italiya, Finlyandiya, Vengriya va boshqa davlatlar qabul qilgan.
Izoh (0)