23–26 июнь кунлари Москвада бўлиб ўтадиган World Dog Show 2016 халқаро кўргазмаси доирасида биринчи марта итлар билан рақс тушиш бўйича жаҳон чемпионати ўтказилади. Бу ҳақда шаҳар мэри ва ҳукумати сайтидаги хабарномага асосланиб, «Интерфакс» хабар бермоқда.
Рақсларда турли давлатлардан, жумладан, Швеция, Финляндия, Норвегия, Япониядан ташриф буюрган итлар эгалари билан иштирок этади. 80 жуфтликдан 20 таси финал йўлланмасини қўлга киритади.
Халқаро тадбир «Крокус Экспо» кўргазма марказида ўтказилади. Ташкилотчилар 35 мамлакатдан 300 зотдаги 25 минг итни қабул қилишга ҳозирлик кўрмоқда.
World Dog Show биринчи марта Россияда ўтказилади. Олдин халқаро тадбирни Италия, Финляндия, Венгрия ва бошқа давлатлар қабул қилган.
Изоҳ (0)