YouTube’dagi EverythingApplePro kanali blogerlari Galaxy S7 edge va iPhone 6s Plus’ni turli balandliklardan tashlab, o‘zaro taqqoslab ko‘rdi, deb yozadi “Hi-tech.mail.ru”.
Birinchi eksperimentda ularni vertikal holatda bir metr balandlikdan qulatishdi, bunda ikkala smartfon ham omon qoldi: Galaxy S7 edge’ning biron joyi ham tirnalmadi, iPhone 6s Plus’ning bir burchagi esa sezilarsiz darajada o‘yilib qoldi. Ular ekran va orqa korpus bilan tashlanganida ham butun qoldi.
Ammo Samsung Galaxy S7 edge’ni odam bo‘yiga teng balandlik (1,8 metr)dan ekrani bilan beton yerga tashlashganida, orqa korpusi darz ketdi, iPhone’ga esa zarar yetmadi. Bundan yuqoriroq balandliklardan qulaganida esa Galaxy S7 edge yanada ko‘proq jabrlandi, ekranni himoyalovchi oynasi sindi, shunday bo‘lsa-da, sensorli qatlam ishlashda davom etdi.
Besh metr balandlikdan beton yerga tashlanganida ham iPhone 6s Plus korpusi va ekraniga ziyon yetmadi.
Izoh (0)