YouTube’даги EverythingApplePro канали блогерлари Galaxy S7 edge ва iPhone 6s Plus’ни турли баландликлардан ташлаб, ўзаро таққослаб кўрди, деб ёзади «Hi-tech.mail.ru».
Биринчи экспериментда уларни вертикал ҳолатда бир метр баландликдан қулатишди, бунда иккала смартфон ҳам омон қолди: Galaxy S7 edge’нинг бирон жойи ҳам тирналмади, iPhone 6s Plus’нинг бир бурчаги эса сезиларсиз даражада ўйилиб қолди. Улар экран ва орқа корпус билан ташланганида ҳам бутун қолди.
Аммо Samsung Galaxy S7 edge’ни одам бўйига тенг баландлик (1,8 метр)дан экрани билан бетон ерга ташлашганида, орқа корпуси дарз кетди, iPhone’га эса зарар етмади. Бундан юқорироқ баландликлардан қулаганида эса Galaxy S7 edge янада кўпроқ жабрланди, экранни ҳимояловчи ойнаси синди, шундай бўлса-да, сенсорли қатлам ишлашда давом этди.
Беш метр баландликдан бетон ерга ташланганида ҳам iPhone 6s Plus корпуси ва экранига зиён етмади.
Изоҳ (0)