Вилоятлар ва Тошкент шаҳар ҳокимликлари, Ўзбекистон Республикаси Иқтисодиёт вазирлиги ҳамда Молия вазирлигининг вилоятлар ва Тошкент шаҳар ҳокимликларининг бошқарув аппарати тузилмасида, тегишли равишда вилоятлар ва Тошкент шаҳрининг иқтисодиёт бош бошқармаларини тугатиб, ҳудудни комплекс ривожлантириш йиғма бошқармалари ташкил қилинди, дея хабар бермоқда «Газета.uz» Президент қарори (pdf)га таяниб. Худди шундай ўзгаришлар туман ва шаҳар ҳокимликларининг бошқарув аппарати тузилмасида ҳам содир бўлади.
Ҳужжатда таъкидланишича, бундан кўзланган мақсад ҳудудларни комплекс ва мутаносиб тарзда ривожлантиришни таъминлаш, минтақаларнинг мавжуд табиий-хомашё, ишлаб чиқариш ва меҳнат салоҳиятидан оқилона фойдаланиш, ишлаб чиқариш кучларини оптимал жойлаштириш ҳамда аҳолининг турмуш даражаси ва сифатини изчил ошириб бориш, шунингдек, маҳаллий ижроия ҳокимият органлари фаолиятини ташкил этишни янада такомиллаштириш ва унинг самарадорлигини ошириш бўйича тизимли дастурий чора-тадбирларни амалга оширишдан иборат.
Ҳужжатга мувофиқ, бош вазир биринчи ўринбосари Рустам Азимов раҳбарлигидаги вилоятлар ва Тошкент шаҳар ҳокимликларининг ҳудудларни комплекс ривожлантириш йиғма бошқармаларини кадрлар билан тўлдириш ва суҳбат ўтказиш комиссияси тузилади, у икки ой муддатда суҳбат ўтказиб, йиғма бошқармаларни малакали кадрлар билан тўлдиради.
Изоҳ (0)