Bugun Osiyo chempionlar ligasi guruh bosqichining birinchi tur uchrashuvlariga start beriladi. Unda Toshkentning “Lokomotiv” klubi o‘z maydonida Saudiya Arabistonining “Al-Ittihod” jamoasini qabul qiladi, deya xabar bermoqda “Sports.uz”.
“Temiryo‘lchilar” a’zosi Ikrom Aliboyev kichik jarohati borligi bois, OChL-2016 musobaqasi guruh bosqichining dastlabki tur uchrashuvini o‘tkazib yuboradi. Uning maydonga tusha olmasligini o‘yin oldidan o‘tkazilgan matbuot anjumanida mezbonlar bosh murabbiyi Andrey Miklyayev aytib o‘tgan.
Eslatib o‘tamiz, “Lokomotiv” hamda “Al-Ittihod” o‘rtasidagi uchrashuv bugun, soat 15:00 da boshlanadi.
Izoh (0)