Rossiya tergov idoralari siyosatchi Boris Nemsov o‘ldirilishining tashkilotchisi deb atab, sirtdan hibsga olgan Ruslan Muhiddinov mamlakatdan oilasini olib ketgan. Bu haqda “Gazeta.ru” xabar bermoqda.
Vaziyatdan xabardor manbaning ma’lum qilishicha, Moskva markazida sodir etilgan qotillikdan so‘ng Checheniston IIV “Shimol” batalyoni sobiq qo‘mondonining haydovchisi bo‘lgan Muhiddinov Birlashgan Arab Amirliklariga yo‘l oladi. Keyinchalik yana respublikaga qaytib keladi, lekin bu gal faqat oilasini olib ketish uchun.
“Ruslan qaytganidan so‘ng uning turmush o‘rtog‘i qayergadir g‘oyib bo‘ldi. Hoynahoy, u o‘zi bilan birga olib ketgan bo‘lsa kerak. Muhiddinovning uyi anchadan beri bo‘m-bo‘sh turibdi”, — deya ta’kidlagan manba.
Izoh (0)