Pokistonda kuchli yomg‘ir va sel kelishi oqibatida halok bo‘lganlar soni 32 kishiga yetdi. Bu haqda Al Jazeera xabar berdi.
Mamlakatda sodir bo‘lgan so‘nggi suv toshqini va tom bosib qolishi 19 kishining hayotiga zomin bo‘lgan. Qurbonlarning 8 nafari bolalardir. Jami o‘limlarning 13 nafari Svat vodiysida qayd etilgan. Sharqiy Panjob provinsiyasida 25-iyun kunidan beri kamida 13 kishi halok bo‘lgan.
Xayber-Paxtunxva hududidagi suv toshqini ham 56 ta uyga zarar yetkazgan, ulardan 6 tasi vayron bo‘lgan. Milliy meteorologiya xizmati kuchli yomg‘ir va sel kelishi xavfi bu hafta ham kuzatilishini aytgan. May oyida bir nechta ekstremal ob-havo hodisalari, jumladan, kuchli do‘l bo‘ronlari kuzatilgan edi. Oqibatida kamida 32 kishi halok bo‘lgandi.
Pokiston dunyodagi ekstremal tabiiy ofatlar eng ko‘p kuzatiladigan davlat sanaladi. Uning 240 million aholisi tobora ko‘proq ekstremal ob-havo hodisalaridan aziyat chekmoqda.
Izoh (0)