Bugun, 1-fevral kuni professional tennischilarning haftalik yangi reytingi e’lon qilindi, deb xabar beradi “Olamsport”.
O‘zbekistonning birinchi raqamli tennischisi Denis Istomin Avstraliya Ochiq chempionatidagi omadsiz ishtirokdan so‘ng ikki pog‘ona pastlab, reytingda 61-o‘rinda qayd etilgan.
O‘zbekistonning ikkinchi raqamli tennischisi Farrux Do‘stov esa o‘tgan haftadagi o‘rnini saqlab qoldi — 163.
Dunyo tennischilari reytingini esa hamon katta farq bilan serbiyalik Novak Jokovich boshqarib bormoqda. Aynan Jokovich Avstraliya Ochiq chempionatida bosh mukofotni qo‘lga kiritdi.
Izoh (0)