Peruda Zika virusi bilan kasallanish holati qayd etildi. Xavfli kasallik Peru poytaxtiga yaqinda Kolumbiya hududi orqali kirib kelgan Venesuela fuqarosida aniqlandi. Bu haqda Reuters agentligi ma’lumotiga tayanib, “TASS” xabar beradi.
“Bemor alohida saqlanmoqda va biz virus tarqalib ketishining oldini olish uchun choralar ko‘rmoqdamiz”, — deydi Peru sog‘liqni saqlash vaziri Anibal Velaskes. Uning so‘zlariga qaraganda, yaqin kunlarda mamlakatga chetdan kirib kelgan kishilarda ushbu virus bilan kasallanishning yangi holatlari qayd etilishi kutilmoqda.
Kasallikning avj olishi Osiyo, Afrika, Janubiy va Shimoliy Amerika hamda Tinch okeani hududida qayd etilgan. Virus, ayniqsa, G‘arbiy yarimsharda tez tarqalmoqda, u 55 ta mamlakatdan 20 tasiga kirib keldi.
Izoh (0)