Rossiya Tergov qo‘mitasi Xalqaro jinoyat sudiga 2008-yilda Janubiy Osetiyada ro‘y bergan qurolli mojaro davomida sodir etilgan jinoyatlarga doir materiallarini taqdim etdi. Bu haqda qo‘mita rahbari Aleksandr Bastrikin ma’lum qilgan, deya xabar beradi Meduza.
Gaagadagi xalqaro tribunal 2015-yil oktabrida Rossiyadan Janubiy Osetiya hududida yo‘l qo‘yilgan harbiy jinoyatlarga oid materiallarni taqdim etishni so‘ragan. Bastrikinning ta’kidlashicha, Tergov qo‘mitasi tomonidan tekshirilgan va 500 tomdan ziyod hajmdagi materiallar o‘tgan yillar mobaynida biron bir xalqaro sud tomonidan qabul qilinmagan.
27-yanvar, chorshanba kuni Xalqaro jinoyat sudi prokuror devonxonasiga 2008-yilda Janubiy Osetiya va Gruziyada sodir etilgan jinoyatlarni tekshirishni boshlashga ruxsat berdi.
Rasmiy manbalarga ko‘ra, 2008-yilda Rossiya va Gruziya o‘rtasidagi qurolli ixtilof chog‘ida 74 nafar rossiyalik va 32 nafar osetiyalik harbiy halok bo‘lgan. Gruziya tomoni esa 186 nafar harbiy xizmatchi va ichki ishlar xodimini yo‘qotgan. Tergov qo‘mitasi Janubiy Osetiyada 162 nafar tinch aholi vakili qurbon bo‘lganini bildirgan. Janubiy Osetiya tomoni esa tinch aholi vakillaridan 1600 kishi halok bo‘lganini ma’lum qilgan.
Izoh (0)