Braziliyaning San-Paulu shtati qirg‘oqlariga yaqin joyda sayohat qilishga mo‘ljallangan katerning halokati oqibatida ikki kishi, jumladan, to‘rt yoshli bola ham vafot etdi. Bu haqda Globo telekanaliga tayanib, “TASS” xabar bermoqda.
Halokat vaqtida “Qora marvarid” bortida 20 sayyoh va kater kapitani bo‘lgan. Dastlabki ma’lumotlarga ko‘ra, fojia ba’zi yo‘lovchilarning qarama-qarshi yo‘nalishda harakat qilayotgan boshqa katerlar yuzaga keltirgan to‘lqinlardan qo‘rqib ketishi sabab bo‘lgan: sarosimalik natijasida ularning barchasi bortning bir tomoniga o‘tib olgan va kater ag‘darilib ketgan.
19 kishi, jumladan, kema kapitani ham qutqarib qolindi. Biroq 41 yoshli ayol va uning o‘g‘li oynali kabinada qolib ketdi va ular tashqariga chiqa olmadi.
Huquq-tartibot organlari hodisa yuzasidan tekshiruv ishlarini boshladi.
Izoh (0)