O‘z prezidentlik muddatini yakunlayotgan Barak Obama tarafdorlarining anchagina qismini yo‘qotgan bo‘lsa-da, uning turmush o‘rtog‘i amerikaliklar orasida obro‘sini tushirgani yo‘q. Gallup tomonidan o‘tkazilgan ijtimoiy so‘rovlarga ko‘ra, Mishel Obamani AQSh fuqarolarining 66 foizi yoqtiradi, Barak Obamani esa undan 14 foiz kam, ya’ni 52 foiz. Bu haqda Kseniya Melnikova hikoya qilmoqda.
AQShda bunday yuksak obro‘ bilan Mishel prezidentlikka, juda bo‘lmaganda, Senatga saylovlarda ham ishtirok etishi mumkinligi haqida gapirishmoqda. Birinchi xonim bunday gap-so‘zlarga izoh berishdan o‘zini olib qochgan, Oq uy rahbari esa “hayotda uch o‘zgarmas narsa bor: o‘lim, soliqlar va Mishelning prezidentlik poygasida ishtirok etmasligi”, — deya javob bergan.
Barak Obama xotinida prezidentlik da’vosi yo‘qligini ma’lum qilsa-da, birinchi xonimdan yaxshigina siyosatchi chiqishi mumkinligiga amerikalik ekspertlarning ishonchi komil. Jumladan, Barak va Mishelga tahsil bergan Garvard professori Charlz Ogletri xonimni nazarda tutib, “Oq uyda yashovchilar orasida Barak Obama undan keyingi ikkinchi yaxshi siyosatchi”, deya mutoyiba qilgandi.
Izoh (0)