Ўз президентлик муддатини якунлаётган Барак Обама тарафдорларининг анчагина қисмини йўқотган бўлса-да, унинг турмуш ўртоғи америкаликлар орасида обрўсини туширгани йўқ. Gallup томонидан ўтказилган ижтимоий сўровларга кўра, Мишель Обамани АҚШ фуқароларининг 66 фоизи ёқтиради, Барак Обамани эса ундан 14 фоиз кам, яъни 52 фоиз. Бу ҳақда Ксения Мельникова ҳикоя қилмоқда.
АҚШда бундай юксак обрў билан Мишель президентликка, жуда бўлмаганда, Сенатга сайловларда ҳам иштирок этиши мумкинлиги ҳақида гапиришмоқда. Биринчи хоним бундай гап-сўзларга изоҳ беришдан ўзини олиб қочган, Оқ уй раҳбари эса «ҳаётда уч ўзгармас нарса бор: ўлим, солиқлар ва Мишелнинг президентлик пойгасида иштирок этмаслиги», — дея жавоб берган.
Барак Обама хотинида президентлик даъвоси йўқлигини маълум қилса-да, биринчи хонимдан яхшигина сиёсатчи чиқиши мумкинлигига америкалик экспертларнинг ишончи комил. Жумладан, Барак ва Мишелга таҳсил берган Гарвард профессори Чарльз Оглетри хонимни назарда тутиб, «Оқ уйда яшовчилар орасида Барак Обама ундан кейинги иккинчи яхши сиёсатчи», дея мутойиба қилганди.
Изоҳ (0)