AQShning sharqiy sohillariga yaqinlashayotgan qor bo‘roni tufayli minglab aviareyslar bekor qilindi, Vashingtondagi transport tizimlari harakati to‘xtatilishi rejalashtirilmoqda. AQSh poytaxti va uning atrofida qor bo‘roni keyingi 100 yil davomidagi eng kuchlisi bo‘lishi kutilmoqda, deya xabar beradi “Korrespondent.net”.
Shu munosabat bilan Vashington rasmiylari favqulodda holat joriy etdi va 22-yanvar kechki paytdan 25-yanvar ertalabga qadar temiryo‘l hamda avtobus qatnovi to‘xtatilishini e’lon qildi. Odamlar do‘konlardan ehtiyoj yuqori mahsulotlarni olib, g‘amlab qo‘ymoqda.
Kuchli qor bo‘roni va muz yomg‘iri AQShdagi kamida 15 ta shtatda kutilmoqda. FlightAware ma’lumotlariga ko‘ra, juma va shanba kungi 3 mingdan ziyod aviareys oldindan bekor qilingan. Vashingtondan tashqari, Jorjiya, Pensilvaniya, Tennessi, Merilend, Virjiniya va Shimoliy Karolinada ham favqulodda holat joriy etilgan.
Izoh (0)