Butun dunyo bo‘ylab mashhurlikka erishgan “Kalmar o‘yini” serialining so‘nggi mavsumi 27-iyun kuni Netflix platformasida taqdim etildi. Shu munosabat bilan serial suratga olingan Janubiy Koreyada katta parad o‘tkazildi.
Seulda tashkil etilgan parad tashabbuskori poytaxt meriyasi bo‘ldi.
Tomoshaga qotil qo‘g‘irchoq Yon-Xining ulkan nusxasi boshchilik qildi, shuningdek, serialdagi mashhur rekvizitlarning nusxalari ham namoyish etildi. Ulkan “kopilka” mukofot pulining miqdorini ko‘rsatdi, nur taratayotgan O va X belgilari shou ovoz berish tizimini ifodaladi, gigant sovun pufaklari ichida esa dalgona shakarli pechenyelarining tasvirlari joylashtirilgandi.
Parad xayrlashuv tusini oldi. Chunki “Kalmar o‘yini”ning davomi suratga olinishi rejalashtirilmagan. Biroq serialning mahalliy va xorijiy muxlislari uchinchi mavsum so‘nggi bo‘lmasligiga ishonch bildirmoqda.
Izoh (0)