2015-yilgi sport mavsumi o‘zbekistonlik olimpiyachilar uchun mas’uliyatli musobaqalarga boy bo‘ldi. O‘zbekistonlik sportchilar sportning qator turlarida 2016-yili Rio-de-Janeyro shahrida (Braziliya) o‘tkaziladigan XXXI yozgi Olimpiada o‘yinlarining yo‘llanmalari uchun bahslarda ishtirok etdi. Bu haqda O‘zbekiston Milliy olimpiya qo‘mitasi matbuot xizmati xabar beradi.
O‘zbekistonlik sportchilar bugungi kunga qadar o‘tkazilgan litsenzion musobaqalarda “Rio-2016” o‘yinlariga jami 51 ta yo‘llanmani (shundan 24 tasi paralimpiyachilarga tegishli) qo‘lga kiritdi.
Jumladan, bugungi kunga kelib yengil atletika sport turida – 8 ta, boks, og‘ir atletika hamda baydarka va kanoeda eshkak eshish sport turlarida – 5 tadan, suzish, taekvondo, erkin va yunon-rum kurashlarida – bittadan yo‘llanma mavjud. Bundan tashqari, o‘zbekistonlik paralimpiyachilar yengil atletika sport turida – 10 ta, dzyudo sport turida – 8 ta, suzish sport turida – 4 ta, o‘q otish hamda pauerlifting sport turlarida – bittadan yo‘llanmani naqd qilib qo‘ygan.
Izoh (0)