Avstriyada qabul qilinadigan qochoqlar soni cheklandi

Avstriya qabul qilinadigan qochoqlar sonini rasman cheklab qo‘ydi. 2016-yilda mamlakat boshpana berishni so‘rab murojaat etganlardan faqat 37 500 kishini qabul qiladi, deb xabar beradi “Korrespondent.net”.

Shu bilan birga 2019-yilgacha qabul qilingan muhojirlar soni 127 500 kishidan oshib ketmasligi kerak. 20-yanvar, chorshanba kuni hukumat ittifoqi shunday qarorni qabul qildi.

“Biz Avstriyadan boshpana so‘raganlarning hammasini qabul qila olmaymiz”, — dedi mamlakatninig federal kansleri Verner Fayman.

Eslatib o‘tamiz, 16-yanvar kuni Avstriya kansleri Shengen kelishuvi vaqtincha to‘xtatilganini ma’lum qilgan edi.