Австрия қабул қилинадиган қочоқлар сонини расман чеклаб қўйди. 2016 йилда мамлакат бошпана беришни сўраб мурожаат этганлардан фақат 37 500 кишини қабул қилади, деб хабар беради «Корреспондент.net».
Шу билан бирга 2019 йилгача қабул қилинган муҳожирлар сони 127 500 кишидан ошиб кетмаслиги керак. 20 январь, чоршанба куни ҳукумат иттифоқи шундай қарорни қабул қилди.
«Биз Австриядан бошпана сўраганларнинг ҳаммасини қабул қила олмаймиз», — деди мамлакатниниг федерал канцлери Вернер Файман.
Эслатиб ўтамиз, 16 январь куни Австрия канцлери Шенген келишуви вақтинча тўхтатилганини маълум қилган эди.
Изоҳ (0)