Yevropa koinot agentligi o‘zining Flickr kanalida britaniyalik astronavt Tim Pik 15-yanvar, juma kuni Xalqaro kosmik stansiya (XKS) bortidan ochiq koinotga ilk chiqishi chog‘ida olgan birinchi selfini joylashtirdi. Bu haqda “RIA Novosti” xabar bermoqda.
Ushbu chiqish chog‘ida Pik skafandriga biriktirilgan kamera yordamida Britaniya kosmonavtikasi tarixida birinchi selfini oldi. Unda astronavtning o‘zidan tashqari, skafandr oynasida aks etgan Yer va uning atmosferasidagi bulutlarni ko‘rish mumkin.
O‘tgan yil dekabrida koinotga yo‘l olgan Tim Pik Buyuk Britaniya tarixidagi birinchi erkak astronavt bo‘ldi. Koinotni birinchi zabt etgan mamlakat vakili esa ayol bo‘lib, o‘shanda Xelen Sharman 1991-yili “Mir” stansiyasida parvoz qilgandi.
Izoh (0)