Toshkentdagi Mehrjon ko‘chasida 13-yo‘nalish bo‘ylab harakatlanayotgan Vario LF tramvayi yuk tashuvi “Gazel” mashinasi bilan to‘qnashib ketdi. Bu haqda Facebook’dagi “Voditeli Tashkenta” guruhida xabar qoldirilgan.
Fotoxabar ostida fikr bildirgan aksariyat foydalanuvchilar ushbu yo‘l-transport hodisasi yuz bergan yo‘l ta’mirtalab ekani, “bu joyni hatto yo‘l ham deb bo‘lmasligi”ni ta’kidlagan.
Bu yo‘lning holati achinarli ekanligini ta’riflash bo‘yicha foydalanuvchilar o‘rtasida o‘ziga xos musobaqa bo‘lgan. Kimdir bu yo‘lni “bombardimonga uchragan” deb ta’riflagan bo‘lsa, boshqasi “bu yerda tanklar poyga o‘ynagan”, deb yozgan.
Vaziyatga hazil-mutoyiba bilan yondoshuvchilar tramvaychini “tanqid qilgan”: “Tramvaychi rulni biroz chaproqqa burganida edi, ‘Gazel’ bemalol o‘tib ketardi”.
Izoh (0)