Janubiy Koreyada KXDRdagi yadro sinovi haqida ommaviy ravishda xat tarqatilishi tekshirilmoqda

Janubiy Koreya hukumati mamlakatda KXDRda yaqinda o‘tkazilgan yadro sinoviga ba‘ishlangan elektron xatlar ommaviy ravishda tarqatilishi yuzasidan tekshiruv boshladi, deya xabar bermoqda “TASS”.

Politsiya vakillari ma’lum qilishicha, ushbu aksiya Pxenyan tomonidan Koreya Respublikasidagi davlat muassasalariga nisbatan tayyorlanayotgan kiberhujumlarning bir qismi bo‘lishi mumkin.

“Hodisa tashkilotchilari tashqi ishlar vazirligi va prezident ma’muriyati niqobi ostiga yashirinishga urinib, ular nomidan xatlar jo‘natgan. Maktublar Janubiy Koreyaning ko‘plab davlat tuzilmalariga yuborilgan”, — dedi politsiyadagilar.

Xatlar zararkunanda yoki josuslik dasturiy ta’minotlarini o‘z ichiga olgan-olmaganligi hozircha noma’lum. Ularning aniq mazmuni ham oshkor etilmayapti.