O‘zbekiston Respublikasining Turkiya Respublikasidagi elchixonasining ma’lumotlariga qaraganda 2016-yil 12-yanvar kuni Istanbul shahrida yuz bergan terakt qurbonlari orasida O‘zbekiston fuqarolari yo‘q. Bu haqda O‘zbekiston Respublikasi Tashqi ishlar vazirligi matbuot xizmati xabar bermoqda.
Eslatib o‘tamiz, 12-yanvar kuni Istanbul markazidagi Sultonahmet maydoni hududida sodir bo‘lgan kuchli portlashda o‘n kishi halok bo‘lgan, 15 kishi yaralangan. Ulardan ko‘pchiligi xorijiy fuqarolar ekanligi xabar qilingandi.
Turkiya prezidenti Rajab Toyyib Erdo‘g‘on portlashni suriyalik xudkush terrorchi tomonidan amalga oshirilgan terakt deb atadi.
Izoh (0)