Фотогалерея: XXI асрнинг энг яхши футболчилари

11 январь куни Швейцариянинг Цюрих шаҳрида ташкил этилган «Олтин тўп» гала-тақдимотида Лионель Месси 2015 йилнинг энг яхши футболчиси, деб эълон қилинди. Аргентиналик футболчи ўз фаолиятида бешинчи марта футбол оламидаги энг олий индивидуал мукофотни қўлга киритди.

France Football нашри томонидан таъсис этилган «Олтин тўп» мукофоти 2009 йилга қадар Европанинг энг яхши футболчисига топшириларди. Футболнинг бош ташкилоти — ФИФА эса миллий терма жамоаларнинг бош мураббийлари, сардорлари ва матбуот котиблари ўртасида ўтказилган сўровнома асосида, ҳар йили жаҳоннинг энг яхши футболчисини аниқларди.

2005 йилги мавсумдан бошлаб, футбол оламидаги энг нуфузли ҳисобланган ҳар иккала мукофотни бир футболчи қўлга киритавергани сабаб (асосий сабаб), 2010 йилдан ФИФА ва France Football ўзаро келишган ҳолда, энг яхшиларни аниқлаш йўналишидаги ҳаракатларни бирлаштиришга ва ҳар йили жаҳоннинг энг яхши футболчисига «Олтин тўп» мукофотини топширишга қарор қилди.

Шубҳа йўқки, ФИФА таъсис этган мукофотни қўлга киритган футболчилар ҳам, France Football топширган мукофотга эга чиққан футболчилар ҳам, бирлашган мукофотни қўлга киритганлар ҳам нафақат ўша йилнинг, балки асрнинг энг яхши футболчилари сифатида эътироф этилишга арзийди.

Қуйида 2000 йилдан бошлаб ФИФА ва France Football мукофотларини, шунингдек, бирлашган мукофотни қўлга киритган барча футболчиларни бирма-бир ёдга олиш мумкин.

2000 йил. Зинедин Зидан — жаҳоннинг энг яхши футболчиси, Луиш Фигу — Европанинг энг яхши футболчиси («Олтин тўп» соҳиби)

2001 йил. Луиш Фигу — жаҳоннинг энг яхши футболчиси, Майкл Оуэн — Европанинг энг яхши футболчиси

2002 йил. Луис Роналдо — жаҳоннинг энг яхши футболчиси, Европанинг энг яхши футболчиси

2003 йил. Зинедин Зидан — жаҳоннинг энг яхши футболчиси, Павел Недвед — Европанинг энг яхши футболчиси

2004 йил. Роналдиньо — жаҳоннинг энг яхши футболчиси, Андрей Шевченко — Европанинг энг яхши футболчиси

2005 йил. Роналдиньо — жаҳоннинг энг яхши футболчиси, Европанинг энг яхши футболчиси

2006 йил. Фабио Каннаваро — жаҳоннинг энг яхши футболчиси, Европанинг энг яхши футболчиси

2007 йил. Кака — жаҳоннинг энг яхши футболчиси, Европанинг энг яхши футболчиси

2008 йил. Криштиану Роналду — жаҳоннинг энг яхши футболчиси, Европанинг энг яхши футболчиси

2009 йил. Лионель Месси — жаҳоннинг энг яхши футболчиси, Европанинг энг яхши футболчиси

2010, 2011 ва 2012 йиллар. Лионель Месси — «Олтин тўп» соҳиби

2013, 2014 йиллар. Криштиану Роналду — «Олтин тўп» соҳиби

2015 йил. Лионель Месси — «Олтин тўп» соҳиби