Eron tashqi ishlar vaziri Pan Gi Munga Saudiya Arabistoni ustidan shikoyat qildi

Eron tashqi ishlar vaziri Muhammad Javod Zarif Tehron Yaqin Sharqda keskinlik kuchayishiga harakat qilmayotganligini bildirdi. Bu haqda “Interfaks” xabar bermoqda.

BMT bosh kotibi Pan Gi Munga yo‘llagan maktubida vazir Saudiya Arabistoni rasmiylarini mintaqada ekstremistlarni qo‘llab-quvvatlash va Yamanda isyonchi xusiylarga qarshi “bema’ni harbiy harakatlar” olib borishda aybladi.

Eslatib o‘tamiz, oldinroq Eron sog‘liqni saqlash vaziri Hasan Hoshimiy Saudiya Arabistonida shia ulamosi, shayx Nimr an-Nimrning qatl etilishini terrorchilarning garovga olinganlarni o‘ldirishiga qiyoslagandi.