“Daryo”da — 30-dekabrning muhim yangiliklari kechki dayjesti.
1. Obama, Putin va Si Szinpin O‘zbekiston Prezidentini Yangi yil bilan tabrikladi. Tabrik yo‘llaganlar orasida Qozog‘iston, Qirg‘iziston, Turkmaniston va Tojikiston prezidentlari ham, albatta, bor.
2. O‘zbekistonda 2016-yil 1-martdan Yo‘l harakati qoidalarining yangi tahriri kuchga kiradi. Aftidan, avtomobilingizda endi dori-darmon jamlanmasi va o‘t o‘chirgichdan tashqari, yorug‘lik qaytaruvchi nimcha ham bo‘lishi shart.
3. “O‘zbekiston pochtasi” orqali yuborilgan oddiy xatlar manzilga yetib bormay, yo‘qolayotgani aniqlandi. Buni aniqlash uchun nazoratchilar “O‘zbekiston pochtasi” orqali oddiy va buyurtmali xatlar jo‘natishibdi.
4. Toshkent shahrida 31-dekabr kuni kechasi yog‘ingarchilik kuzatiladi. Hechqisi yo‘q, Yangi yildan keyin haqiqiy qish kelishi haqida axborot bor.
5. Xonanda Shahzoda o‘zbekistonliklar tomonidan Google’da eng ko‘p qidirilgan shaxs bo‘ldi. Eng qizig‘i, Ukraina, Moldova va Latviyada eng ko‘p Rossiya prezidenti Putinni qidirishibdi, Rossiyaning o‘zida esa eng ko‘p Putinning sobiq xotini — Lyudmila Putinani izlashgan.
Izoh (0)