O‘zbekistonda 2015-yilning so‘nggi kunida faqat Toshkent shahrida yog‘ingarchilik kuzatiladi. Bu haqda “O‘zgidromet” xabar bermoqda.
Toshkent shahrida 31-dekabr kuni havo bulutli bo‘ladi, yog‘ingarchilik kutilmaydi, faqat 1-yanvarga o‘tar kechasi biroz yomg‘ir yog‘adi. O‘zbekistonning tog‘li hududlarida ham yog‘ingarchilik bo‘lishi mumkin, qolgan hududlarda yog‘ingarchilik kutilmayapti.
31-dekabr kuni kunduzi havo harorati Toshkent shahrida +13...+15 daraja, Qoralpog‘iston Respublikasi va Xorazm viloyatida +9...+14 daraja, Buxoro va Navoiy viloyatlarida +12...+17 daraja, Toshkent, Samarqand, Jizzax, Sirdaryo viloyatlarida +11...+16 daraja, Qashqadaryo va Surxondaryo viloyatlarida +13...+18 daraja, Andijon, Namangan va Farg‘ona viloyatlarida +7...+12 daraja iliq bo‘ladi.
Avvalroq, O‘zbekistonning tog‘li hududlarida 4-yanvargacha sel kelishi, 5-yanvargacha qor ko‘chishi xavfi borligi haqida xabar berilgan edi.
Izoh (0)